了解一个城市
一般都从地点开始
的确，每个城市
唔不论路名定区名
睇落简单，实际上都有好大含义！
所以，你想了解广州
就要从了解广州嘅地名开始
咁究竟广州11个区嘅名係点嚟嘅呢？
广州原有12个区，2个县级市，其中越秀区、东山区、荔湾区、海珠区并称老四区，而老四区再加天河区、芳村区、白云区、黄埔区则称老八区；新新区有番禺区、花都区、南沙区、萝岗区；2个市则係增城市和从化市。
年2月12日，撤销黄埔区、萝岗区，合并设立新黄埔区；撤销县级从化市、增城市，设立从化区和增城区。调整后广州共分11个区。
越秀区
名字由来
越秀区其实就係以前嘅广州城
好耐以前嘅广州比越秀区仲细
后来因为广州发展，管辖范围越来越大
年将广州城变成广州嘅一个区
而越秀区点解叫“越秀”？
就係因为越秀山喺度囖
所以建区嘅时候就定名为越秀喇~
东山区
（年撤区，併入越秀区，并称越秀区）
名字由来
东山喺广州城以东
以前呢度係一片片小山岗
东山嘅由来，起源于明代嘅“东山寺”
当年有一太监喺镇守广东嘅时
贪赃枉法，受到良心谴责
于是就喺城东建咗座寺庙
庙宇一开始叫“太监寺”（呢家嘅署前路）
后来皇帝朱见深大赦天下
改名為“永泰寺”
大概清末民初嘅时候
呢片山岗开发成街村，开始起楼住人
因广州人习惯将岗地叫成“山”
所以当时啲人习惯将寺庙周边嘅街道叫“东山”
年建区就决定命名为“东山区”
荔湾区
名字由来
旧称“西关”，係广州城嘅西郊
其实喺上世纪五十年代
荔湾分成多个区域
分别有长寿区、荔湾区、西村区
年，长寿区、荔湾区及西村区
统一合并成立西区
8年后，西区决定改名为荔湾区
因区内有“一湾青水绿，两岸荔枝红”
美誉嘅“荔枝湾”而得名
所以呢家嘅荔湾区包含咗成个西关
芳村区
（年撤区，併入荔湾区，并称荔湾区）
名字由来
芳村原称“荒村”
因为曾经係荒凉嘅小岛
北宋陆续有人来自南海、番禺嘅人聚居
后来居民开始种花种树
慢慢变得花香遍地
而“荒村”个名字都实在无吉利
所以取其谐音以“芳”取代“荒”，改名芳村
不过其实民国以前係无芳村统领呢一带嘅讲法
因为芳村最出名嘅其实係花地村
当时广州人过江去花地村买花
上岸无论一定会经过芳村
所以每次去花地村买花都习惯讲“过芳村”
建区嘅时候就按照习惯命名为“芳村区”
海珠区
名字由来
讲起海珠区就有段古喇
建国初称为河南区
因为一般人认为係位于珠江南岸嘅缘故
建国后年，河南区改名为海珠区
得名于古代广州珠江中嘅海珠石
带有“海上明珠”嘅意思
有个古老神话故事
记述咗海珠石嘅来源同珠江嘅由来
传说秦汉时期，赵佗喺广州建南越国，佢有粒镇国之宝，称阳燧宝珠。赵佗死后粒宝珠就成为陪葬品。当时有一位书生，好想见识一下呢颗镇国宝珠，后来因为救活咗仙女玉京子，仙女为表谢意，叫赵佗将宝珠送比书生。后来，粒宝珠被一位波斯商人重金收购，取名“摩尼珠”，准备带翻波斯国。有一日，船开到广州城南大江，商人摞出宝珠欣赏，点知突然狂风大作，宝珠化成一道白光射入江中，变成一块巨石。
到咗夜晚，巨石如明珠一样闪闪发光，所以有人将巨石称为“海珠石”，同时将广州城南呢条大江称为“珠江”。
天河区
名字由来
得名于区内嘅天河体育中心
天河体育中心原址为天河机场
天河机场建成于年
因为机场建喺天河村
所以命名为“天河机场”
提到天河村，原名大水圳村
因村前有一条大水圳而得名
（圳為河涌，现在嘅沙河涌）
民国时期，大水圳村与当时军阀李福林
所在嘅河南大塘村等五村係同宗
年，李福林势力扩张
于是将出生地大塘村改为天池村
寓意天池出龙
跟住又派人去其他村游说
以“天”字开头改村名
而大水圳村前有一河，就改名天河村
后来，李福林没落，天池村又改翻大塘村
只有大水圳村改名后，人丁兴旺
而且“大水圳”读音唔够“天河”顺口
就无改翻原名，天河村保留至今
白云区
名字由来
白云区因白云山而得名
而白云山就係因为每次雨后天晴或暮春时节
山间都会有非常多白云缠绕
所以将山起名为白云山
建区时决定命名为“白云区”
黄埔区
名字由来
黄埔古时候称“黄木之湾”
因为黄埔港而得名
係明清广州港嘅重要组成部分
清代以来广州海上丝绸之路嘅必经港口
而黄埔古港嘅遗址喺黄埔村
其实黄埔村原称“凤埔”
清代外国商船经常停泊汇集喺度
外国船员经常将“凤埔”读成“黄埔”
久而久之，就变成我地今日讲嘅“黄埔”
萝岗区
（原属白云区，后萝岗区，再与黄埔并称黄埔区）
名字由来
萝岗区原为旧白云区逻岗镇
年4月，经国务院批准
喺开发区基础上，整合周边农村地区
以镇名萝岗命名为萝岗区
番禺区
名字由来
「禺」係秦始皇设置嘅古县
番禺係南海郡嘅首县，郡治所在地
战国嘅时候，已经有“番禺”
係当时岭南最為重要嘅聚落
早已形成地区性嘅政治、经济中心
亦係广东境内最早喺古史见到嘅地名
南沙区
名字由来
南沙以前叫沙埠，又名沙浦
因黄山鲁南面原来係船艇锚地
所以古时候又叫南湾
喺县境东部偏南，西北距市桥30公里
年
将番禺区嘅南沙经开发区
同万顷沙镇、横沥镇、黄阁镇
灵山镇的庙南村、七一村和庙青村嘅部份区域
东涌镇的庆盛村、沙公堡村、石牌村
一部份区域划归南沙区管辖，成立南沙区
花都区
名字由来
以前花都亦叫花县
因地处花山而命名，属广州府
年6月18日，经国务院批准，撤县设市
定名为“花都”，由省人民政府委托广州市代管
年又经国家批准撤市设区
沿用原名成为广州市花都区
增城区
名字由来
增城区前身为增城县
取名自中国古代昆仑神话
神话传说昆仑山上有增城九重
意思係增城係昆仑山上层层叠叠嘅仙城
有九重之高，县名"增城"由此得来
增城歷史悠久，源远流长
建县于东汉建安六年，隶属南海郡
因南海郡原辖6县
距今已有多年历史
从化区
名字由来
五百年前
呢家顺德称为“太艮”
相传黄萧养起义
迫使明朝政府採取一系列措施维持统治
例如加强封建统治
对数十万“战俘”安置采用怀柔政策
朝廷就喺北边划出土地叫“从化”
取服从教化之意安置战俘
END.
赞赏
